احلى منتدى لأحلى شباب وبنات جده
 
الرئيسيةالبوابةالتسجيلدخول

شاطر | 
 

 احلى أغنيتين لكلاش؟!

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
I'm cool 3la 6ool
مشرفة منتدى الخواطر
مشرفة منتدى الخواطر


عدد الرسائل : 33
العمر : 24
تاريخ التسجيل : 10/05/2008

مُساهمةموضوع: احلى أغنيتين لكلاش؟!   الخميس مايو 15, 2008 6:13 am

أنا إتحادي:

سلام سلام لكل إتحادي
سلام مني كلااش: لعميد النوادي
جماهيرك وراك ملايين تنادي
حبكـ يا إتي سكن وسط فؤادي
شوفوا يا ناس النمر الجداوي
في الملعب ما يرحم يجرح ما يداوي
حبيته يا ناس ونا لوه هاوي
عشانه أنا أجر الغناوي
ياهو ياهو اسمعوني يا ناس
الإتي ياهو ذهب على ألماس
إحنا عشاقكـ نرفع مكان الراس
بطولة ورا بطولة جايب لنا الكاس
يا ويله والله يا ويله
اللي يتحدى الإتي يقلب نهاره ليله
الإتي فوق والباقي يستريح
العميد في القمة والباقي يطيح
إتحاد إتحاد أنا إتحادي
من ضمن ملايين عشاق عميد النوادي
إتحاد إتحاد جمهورك ينادي
حبك يا إتي ملك فؤادي
وقف معايا انت وهوا اسمع
الإتي في الصدارة تربع
جدة فرحانة والعالم أجمع
هو الخصم ذبحه أربع أربعة
العميد في الملعب شوفو يعطي دروس
يعطيهم دروس ويكسر الروس
نمر جداوي مرعب النفوس
أصفر وأسود خطاف الكؤوس
معليش معليش للكل معليش
مع الإتحاد محد ياكل عيش
معليش معليش للكل معليش
لو كنتو القلعة تروا الإتي كيف
جماهير الإتحاد الوفية
كلهم عندي ع العين والراس
انتو التمام مية في المية
جماهير الإتي دول أحلى ناس
إتحاد إتحاد أنا إتحادي
من ضمن ملايين عشاق عميد النوادي
إتحاد إتحاد جمهورك ينادي
حبك يا إتي ملك فؤادي
هذه هدية بسيطة مني لنادي الإتحاد ولجماهير الإتحاد ولرجال الإتحاد من لعيبة وأعضاء إدارة وأعضاء شرف ولكل نمر إتحادي وان شاء الله الإتحاد من فوز لفوز ومن كاس لكاس زي ما عودنا كل سنة بس احنا ما خلصنا ياهو
الإتي يلعب والخصم يتعب
الإتي في الساحة سيد الملعب
إحنا جماهيركـ نغني ما نتعب
كل شيء لجل الإتي ما يصعب
في النهاية تحية للنمور
تيسير ومناف ومحمد نور
وباقي الفريق أدخلولنا السرور
ما ننسى أبو ثامر الرئيس منصور

حواري جدة:

أياووووو .. كلاش عالمايك ..
غامد و القلب جامد ..
(07) فور ايفر ..... يجي
عيال جده تعرفنا وقت الشده ..
ههههههه..



وين ما تجي وين ماتبغى تروح..
Jeddah city بابها مفتوح ..

you are welcome in Jeddah city
you are welcome in Jeddah city

ما تلقا احسن من حواري جده ..
عيالها تلقاهم وقت الشده ..

you are welcome in Jeddah city
you are welcome in Jeddah city



يووو

أبدا كلامي بحارة الرحاب..
كل الشباب فيها على قلبي أحباب ..
من برج دله للنادي الأهلي ..
نقول عيال الرحاب فوق السحاب ..

اسمع انته وهوه وهوه وهيه..
محد فيكم يغلط عالعزيزية ..
ناسها وفيه وغاليه عليه..
وكل الشباب فيها ميه في الميه ..

نمشي شويه ونروح الصفا..
حي الصفا .. دار الوفا..
وهذا الشي عند الناس معروف ..
انه فحي الصفا تلقى الدفا..

نادي الاتحاد وين ؟؟ في المشرفه..
عالراس و عالعين يامشرفه ..
مشرفه دايما بأهلها مشرفه..
و فيها نادي الاتحاد و كل الناس تعرفه ..

وين وصلنا الحين ؟ .. وصلنا الربوة..
عيال الربوه هم الصفوة..



وين ما تجي وين ماتبغى تروح..
Jeddah city بابها مفتوح ..

you are welcome in Jeddah city
you are welcome in Jeddah city

ما تلقا احسن من حواري جده ..
عيالها تلقاهم وقت الشده ..

you are welcome in Jeddah city
you are welcome in Jeddah city


عيال الشهامة فيهم خصلة..
قلوبهم على بعض دوم متصلة ..
لو سمعت عن عيال فيهم هذي الصفات ..
فاعرف انهم عيال النزلة..

يلله يلله يلله عالرويس
و حي الرويس في جده معروف ..
وشباب الرويس مايعرفوا الخوف ..

حارة معروفة في جده لامعة ..
من غير ما تسأل اسمها الجامعة..
حي الجامعة و شباب الجامعة ..
اللي يعاديهم عيونه دامعه ..

بتكلم عن حي وافهم يافهيم..
لو تلعب معاهم تعيش في جحيم..
لو تمشي عدل راح تلقى النعيم ..
حي النسيم والمطار القديم ..

وين ما تجي وين ماتبغى تروح..
Jeddah city بابها مفتوح ..

you are welcome in Jeddah city
you are welcome in Jeddah city

ما تلقا احسن من حواري جده ..
عيالها تلقاهم وقت الشده ..

you are welcome in Jeddah city
you are welcome in Jeddah city


في جنوب جده تلقى نوره باين..
أكيد دا هوه حي المداين ..
مهما حصل أهله دايما فوق..
ناسه عسل همه أهل الذوق..

مين فيكم ماسمع عن بني مالك..
شوفني الحين لطريقها سالك..
امشي باحترام راح تلقى احترام..
إلعب معاهم تصير هالك..

سلام مني للبغدادية..
منبع قروبي عيال الغربية..
ولو إني انا كنت عنها بعيد..
قلبي كل يوم فحبها يزيد..

وبنهي كلامي بأحلى سلام..
لكل الاحياء من شمال وجنوب..
و إذا كنت نسيت حارة وسط الكلام..
أعذروني تراكم وسط القلوب..



وين ما تجي وين ماتبغى تروح..
Jeddah city بابها مفتوح ..

you are welcome in Jeddah city
you are welcome in Jeddah city

ما تلقا احسن من حواري جده ..
عيالها تلقاهم وقت الشده ..

you are welcome in Jeddah city
you are welcome in Jeddah city

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
احلى أغنيتين لكلاش؟!
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
فله قايز :: قسم الاغاني والفنانين والفنانات :: كلمات الاغاني-
انتقل الى: